Погода в Глазове Вся погода на gismeteo.ru
Завтра Вечером
Ясно
-3..-5
Ветер:ЮВ, 5 м/с
Завтра Ночью
Ясно
-6..-8
Ветер:ЮВ, 5 м/с
Утром
Ясно
-7..-9
Ветер:ЮВ, 4 м/с
Днем
Ясно
3..5
Ветер:ЮВ, 3 м/с
О статье/сервисы
Дата: 05 Апрель 2013
Автор: Лариса Гурьянова.
Просмотров: 3684

Мон кыл кутӥсько...

Гриша Резенов

  Одаренной нылпиосын ужанлы ёросын нимысьтыз саклык висъяське. Быгатонлыкъёссэс усьтонлы но азинтонлы луонлык сёто трос пӧртэм ужрадъёс: конференциос, проектъя конкурсъёс, олимпиадаос. Сыӵе малпанэн ик туэ нырысьсэ радъямын вал «Арлэн дышетскисез - 2013» конкурс но. 15 дышетскись отчы пыриськиз, вожвылъяськон капчи ӧй вал.

 

«Мон кыл кутӥсько…» - та малпанэз азьланьтыса, пиналъёс гожтӥзы сочинение-эссе. Кызьы вера ёросысь дышетонъя управлениысь ӧнерчи Н. В. Лукина, сочинениос возьматӥзы: пиналъёс валало, мар понна кыл кутыны кулэ. Висъямон но тужгес лыдӟымон пӧрмытэм Понино школаысь Сергей Баженов. «Ми, странамылэн егит поколениез, кыл кутӥськомы Россилэн вуоноез понна. Кыӵеесь ми луомы, сыӵе ик луоз асьме общество», - гожтэ 10-тӥ классын дышетскись пияш, ачиз понна кыл кутонэз нырысетӥ интые пуктыса.

Озьы ик конкурсэ пыриськисьёслэсь дунъязы портфолиоссэс - со, мукет сямен вераса, азинлыко луэмзэс возьматӥсь бумагаосын папка: конференциосы, спортъя ӵошатсконъёсы, конкурсъёсы пыриськемзы сярысь. «Котькудӥныз портфолиоен матысь тодматскыса адӟиське, - йылпумъянъёс лэсьтэ Надежда Вячеславовна, - макем паськыт усьтӥсько нылпиосмылэн быгатонлыкъёссы. Кытчы но соос уг пырисько, Росси радын ортчылӥсь конкурсъёслэсь но палэнэ уг кылё». 

Конкурслэн нырысетӥ люкетаз люкам баллъёссыя, куатез пиналъёс вожвылъяськизы на финал люкетаз: Евгения Ашихмина (Качкашур школа), Александр Сунцов (Кожиль школа), Диана Касаткина (Курегово школа), Резенов Григорий (Дондыкар школа), Сергей Баженов (Понино школа), Александр Коротаев (Адам). Та ӟечокъёс – школаосазы азьветлӥсьёс, нош табере соос яркыт кизилиен воректӥзы но тодмо луизы быдэс ёрослы.  Залын пукисьёс паймыса но шумпотыса кылизы пиналъёслэн сокем усточиесь (талантливоесь) луэмзылы но котькыӵе юанлы валэктон сётыны быгатэмзылы.

Актуально
  • Анатолий Бузмаков - устоез гырись

    7-тӥ инвожое Балезино ёросын трактористъёс-механизаторъёс пӧлын ёрос ӵошатскон ортчиз. Вожвылъяськон кизён ужъёсты йылпумъясен луиз. Ӵошатскисьёс, урод куазь шоры учкытэк, умой гырыны быгатэмзэс возьматӥзы.

    15 Июнь 2018

    Подробнее...

  • Грантъёс - фермеръёслы

    8-тӥ инвожое Удмуртиысь Гурт возёсъя но сиён-юонъя министерствоын элькунысь кутскись фермеръёслы, семьяен пудо вордӥсь фермаослы но гурт возёсъёслы грантлы сертификатъёс сётӥзы.Туэ грантъёс 23 фермеръёс басьтозы, оглом 128 миллион 200 сюрс манет.

    15 Июнь 2018

    Подробнее...

  • Кезысен Камчаткаозь

    Куреггуртын, Вормон нуналлы сӥзем митинг дыръя, арлыдо ворогорон вазиськиз. Мыным, пе, корреспондентэн вераськоно вал. Тодматскимы. Виктор Трофимович Сигов соку ик сюлэмзэ усьтӥз: - 1943-тӥ арын Удмуртиысь Камчаткае кык эшелон калыкез нуиз. Соос пӧлын вал удмуртъёс. Тодам кылиз Пудвайысь кышномурт, нимзэ уг ни тодӥськы, но фамилиез Токарева кадь вал. Улӥмы ми Ключевской посёлок дорын. Оло, эшшо но кинлэн ке улонэз Камчаткаен герӟаськемын вал. Со дыр сярысь малы ке уг верало, мынам нокытысь но лыдӟеме ӧвӧл.

    15 Июнь 2018

    Подробнее...

  • Мар шумпоттэ гурт калыкез?

    «Палагайское» поселение гуртлэн улэмез но азинскемез ласянь ёросысь одӥгез ӟечез, шуыны луоз. Поселение куинь гуртэз огазея: Палагай, Гулекшур но Золотарево. Улӥсьёсыз 500 котыр лыдъясько, школае ветло 80 пала нылпиос.

    15 Июнь 2018

    Подробнее...

  • Вормонъёс пото бадӟым мылкыд бордысь

    Глазов ёросысь волейболэн шудонъя нылкышно команда туэ азяз ужпум пуктӥз: элькун гужем гурт шудонъёслэн финалазы потыны. Зонаосъя ӵошатсконъёс радъяськизы Глазовын. «Ас борддоръёсмы но висисьёсмы юрттозы на, малпамы», - усьтэ мылкыдзэ капитанэз Антонина Пелевина. Но ӧз пӧрмы. 

    15 Июнь 2018

    Подробнее...

  • Кызьы быдэсмо малпанъёс

    Трубашурысь Карина Салтыкова Анапаын ортчем калыккуспо ӵошатсконъёсысь зарни медален бертӥз. Спортлэн нюръяськон амалъёсыныз нылаш тунсыкъяськыны кутскем 3-тӥ классын дышетскыкуз.

    15 Июнь 2018

    Подробнее...

  • Егитъёс быръё гурт улонэз

    Та веранэн тросэз соглаш уз кариське. Зэм но, егитъёс бадӟым городъёсы, кун сьӧры пегӟо-кошко. Но Балезино ёросысь Люк черкогуртын туннэ понна тросэз специалистъёссы – егитъёс.

    07 Июнь 2018

    Подробнее...

  • Югдур чакланъёсты воштэ

    Пудо вордӥсьёс понна кутскиз сюлмаськытӥсь вакыт. Фермаосысь лудъёсы потыса, скалъёслэн йӧлзы трослы усе.

    07 Июнь 2018

    Подробнее...

  • Ужлы мылкыддэ сётӥськод ке

    1-тӥ май праздник нуналъёсы Качкашур школаысь «Юный модельер» объединениысь нылъёс Волгоградын калыккуспо конкурсын вожвылъяськизы. «1-тӥ степенё лауреат» вылӥ ним басьтӥзы, кубокен бертӥзы.

    18 Май 2018

    Подробнее...

  • 313 сюрс гектаре ю тысь киземын луоз

    Тулыс бусы ужъёс ас ӧраз пыризы. 15-тӥ майлы  элькунамы 180 сюрс гектар вылэ тысё но пуртэсо культураос киземын ни вал, чакламлэсь со 58% луэ. Кылем арын та нуналэ 59% вылэм. Азьло кышканъёс вал, гырон-кизён ужъёсты май шорозь быдэстыны уз вуэ но ю тысь кисьмаса уз вутты шуыса, малы ке шуоно тракторъёс луд вылэ ньыль нуналлы бергес потӥзы. Али сюлмаськонъёс ӧвӧл ни, уго гурт удысын тыршисьёслы куазь туж умой кузьым лэсьтэ.

    18 Май 2018

    Подробнее...

  • ВИЧ-инфекция сярысь тодӥзы

    Удмуртиын январьысен апрелёзь 443 мурт тодӥз, ВИЧ-инфекциен черлаз шуыса. Кылем арынлэсь со 18 процентлы тросгес. Соос пӧлын 36,34 процентэз – кышноос, 63,65 процентэз – воргоронъёс.Шаерамы висёнэз нырысьсэ шараям бере, 11322 адями ВИЧ-инфекциез нуллӥсьёс пӧлы пыртэмын ни 362 нылпи. Черламъёс пӧлын тросгес пиосъёс. Кышкыт висён ӵемгес кырмиське 31-40 аресъемъёслы – 28,7 процент, ужтэк кылемъёслы – 58,4%.

    18 Май 2018

    Подробнее...

  • Ӟеч ужъёслы инты котьку шеде

    Глазов ёросысь Калык кенеш нош бадӟым кенешон ортчытӥз. Солэн ужаз пыриськизы Юкаменск, Красногорск, Можга ёросъёслэн ыстэм муртъёссы. Соос нимысьтыз лыктӥллям кылзыны-тодматскыны, кызьы татын ужзэс радъяло.

    17 Май 2018

    Подробнее...

  • Йӧл дун ялан усе

    Шаерысьтымы хозяйствоос йӧл поттэмлэсь бадӟым ыштонъёс адӟо, малы ке шуоно йӧллы дун ялан усе. Соин сэрен Удмуртиысь гурт возёсъёс туэ нырысетӥ квартал ӵоже 700 миллион манет пала ыштӥзы ни.

    10 Май 2018

    Подробнее...

  • Вылӥ вормонъёсты утьыны ӟеч луонлыкъёс кулэ

    Дизьмино школаын трос аръёс ини ужало Ефимов кузпалъёс. Ӝоген 35 ар луоз, кызьы соос, Яр педучилищелэн выпускникъёсыз, ужан удыссэс мытӥзы но улонзэс нылпиослы сӥзизы.

    10 Май 2018

    Подробнее...

  • Кытчы пыриллям льготаосмы? - юало сад-бакча возись пенсионеръёс, но валэктон сётыны нокин уг быгаты

    Куке Глазов ёросэ вуылӥз Удмуртиысь транспортъя но сюрес хозяйствоя министр, ёросын улӥсьёслэсь но кивалтӥсьёслэсь юанъёс соку ӧй ик вал. Соин валче туж висъяськизы карысь пенсионеръёс: кӧня ке кузя люкаськыса лыктӥллям но министрлэсь кылзэ юазы, шуыны луэ. Та дыре соослэн йырзы берга ни одӥг ужпумен - сад-бакчаосазы нуллӥсь автобусъёслэн кузёоссы льготаослэсь куштӥськиллям. Уга берло аръёсы ужбергатӥсьёслы (перевозчикъёслы) сыӵе право федерал законэн  сётэмын.

    04 Май 2018

    Подробнее...

В рубрике
  • Ольга Никифорова - мумы кадь сюлмаськись

    Туэ со «Мынам Удмуртие» телерадиокомпаниен радъям «Адӟем карымон адями» конкурсэ пыриськиз но вормисьёс радэ шедиз. Ольга Петровна Никифорова – Глазов пединститутысь кунгожсьӧр но удмурт кылъя кафедраысь доцент, педагогической наукаосъя кандидат.

    06 Апрель 2018

    Подробнее...

  • Вуылӥм Казане

    23-тӥ шуркынмонэ Казаньысь многопрофильной полилингвальной гимназиын ортчиз дышетскисьёслэн 4-тӥ научно-практической конференцизы. Солэн ужаз пыриськизы Глазов ёросысь пиналъёс но: Дондыкар школаысь Дария Хаймина, Куреггуртысь Станислав Третьяков но Диана Иванова, Удмурт-Ключиысь Ирина Князева.

    30 Ноябрь 2017

    Подробнее...

  • Удмурт-Ключилэн азбукаез луоз

    Кечпигуртысь библиотекарь Светлана Наговицына тунсыко проект бордын тырше: Удмурт-Ключилэсь азбуказэ кылдытэ. Со быдэсак удмурт кылын гожтэмын. Алфавитысь котькуд буквалы гуртлэн историеныз герӟаськем чуръёс шедьтэмын. Шуом, «У» букваен бам Удмурт-Ключи гурт сярысь ивортэ, «Ц» букваез усьтӥд ке, тодод, кин со Целоусов Павел Филиппович, нош «П» буква Пономарев Карл Александрович сярысь мачкоз.

    20 Октябрь 2017

    Подробнее...

  • Ӟеч малпанъёс - улонэ

    17 номеро школаын ӝоген удмурт кыл чузъяськоз. 

    08 Сентябрь 2017

    Подробнее...

  • Кин луоз тужгес устоез? Та вакытэ Глазов ёросын ортче «Арлэн дышетӥсез-2017» конкурс.

    Конкурс кык этапен радъяське. Нырысетӥез этапез кык нунал ӵоже – 1-тӥ но 3-тӥ южтолэзе Кожильысь но Пониноысь школаосын ортчиз. Конкурсэ пыриськисьёс дышетон амалъёсынызы тодматӥзы, презентациоссэс возьматӥзы. Вераны кулэ, та конкурс кык арлы одӥг пол радъяське. Арысь аре эскеронэ пыриськисьёслэн лыдзы йылэ, туэ 20 мурт ини. Пӧлазы вань нырысетӥ аръёссэ ужасьёс но, бадӟым стажен адямиос но. Конкурсэ пыриськон азязы соосыз но, таосыз но туж сюлмасько. Сыӵе ини адямилэн сямыз, лэся. 

    10 Март 2017

    Подробнее...

  • Улон сюрес вуттӥз Куреггуртэ

    Куреггуртысь Ангелина Васильевна Богданова январе 70 аресъем юбилейзэ пусйиз. Яратоно дышетӥсьсы сярысь гожтыны куронэн вазиськизы дышетэм нылпиосыз. Макем бадӟым дунъет со адямилы, куке гажало, шуныт кылъёс сӥзё.

    02 Февраль 2017

    Подробнее...

  • Сюлэмы кыскиз школае, ас палъёсам

    Тросаз гуртъёсын сямен ик, Палагайысь школаын но, покчи классъёсын дышетӥсьёс, пиналъёссы ичиен, кык классэн ужало. 2014-тӥ аре 1-тӥ классэ мынӥсьёс трос люкаськизы – 11 кузя. Мумы-бубыоссы куризы, со классэн гинэ ужась нимаз дышетӥсь мед пуктозы шуыса. Дышетӥсь но шедиз: ӵапак со дыре ас ёросаз берытскиз Зарина Михайловна Данилова – нырысь Яр политехникумез, собере ГГПИ-ез йылпумъям егит ӧнерчи. 

    02 Февраль 2017

    Подробнее...

  • Юрттэ, узырмытэ, вормонъёсозь ӝутэ. Творчествоя нылпи юртлы – 45

    Глазовысь Киров урамысь 11 номеро юртлэн липет улаз артысь тыршо ёрос библиотека, лулчеберетъя но туризмъя центр, ёрос администрацилэн культурая но егитъёсын ужанъя ёзэтэз, ЗАГС-лэн ёросысь ёзэтэз. 2015 аре соос борды итӥськиз на Творчествоя нылпи юрт. Историез учконо ке, татчы со кыкетӥзэ ини берытскиз: ас интыяз вуиз, шуыны луэ. Нылпиослэн уно вормонъёссы солэсь данзэ арысь аре вылӥ возё.

    19 Январь 2017

    Подробнее...

  • 15 ар ортчыса…

    2001-тӥ арын 7-тӥ сентябре потэм газетамы «Кытын мар, нош Слудкаын – корка пырон!» статьямы потӥз вал. Отысь чуръёсты лыдӟиськом: «…Слудкаысь пичи пиналъёс туэ выль классъёсы пыризы. Нырысетӥ сентябрьысен татын ог дасо ар ӵоже пуктӥськись пристрой йылаз-пумаз вуттэмын но уже кутэмын вал. Кыӵе кема возьмазы та кузьымез пиналъёс но дышетӥсьёс! …Выль пристройлэсь усьтонзэ школалэн директорезлы Надежда Рудольфовна Вагиналы кузьмазы. Нош горд лентаез вандыны оскемын вал Геннадий Павлович Чеченинлы. … Пристрой – кык этажъем юрт. Отчы кыдёкысь дышетскисьёс понна интернат, куинь дышетскон класс, лэсьтӥськон ужъёсъя кабинет но столовой интыяськоз».

    08 Декабрь 2016

    Подробнее...

  • Сюлэмлы буйганы вазь на

    Яр ёросысь Бачумово гуртысь пиналъёс дышетско удмурт национальной школаын. Жаляса верано, таӵе ужъюртъёс арысь аре ӧжытгес но ӧжытгес кылё. Тани Яр ёросын кык гинэ на сыӵеос: Бачумовоын но Ворцаын. Кӧня ке ар талэсь азьвыл удмурт программая ужало вал Бозиноысь, Озёркаысь, Никольскысь, Тумысь но Байдалиноысь школаос. Пиналъёс ӧжыт луэмен, та школаос пытсамын вал, дышетскисьёс ӟуч школаосы – Яре, Пудеме но Уканэ выжизы.

    20 Февраль 2016

    Подробнее...

  • Специалист ӧвӧл шуыны капчи

    - Туэ феврале дас ар тырмоз ни, кызьы сад-яслиын ужасько, - веранзэ кутскиз Ольга Юрьевна Агафонова (туспуктэм вылын). – Но рос-прос вордскем кылэз пыӵатон борды кутски одӥг конференция бере. Удмуртлыклы сӥзем ужрадын карысь дошкольной образованиея  управлениысь методист шуиз: Глазовысь садикъёсын удмурт кыллы дышетыны ӧвӧл специалистъёсмы. Соку ик пединститутысь преподавательёс - М. Т. Слесарева, Б. И. Каракулов, разом берытскыса, абдраса кадь чорк-чорк шорам учкизы. Му пыр виясько вал. Мон веть филологияя факультетысь удмурт отделениез быдэстӥ, соос ик монэ дышетӥзы. Соосты вузам кадь потӥз. Собере ик ӟон-ӟон кариськи, пельпумъёсме шонертӥ, но аслым шуи: кызьы ӧвӧл – тани ук мон вань.

    12 Февраль 2016

    Подробнее...

  • Бадӟым эскерон – экзамен

    Та вакытэ школаосты йылпумъясьёс экзаменъёслы рос-прос дасяськыны кутско ини. Мар вылез вите туэ пиналъёсты, со сярысь вера Глазов ёросысь дышетон удысысь валтӥсь ӧнерчи Римма Рудольфовна Пинегина.

    03 Декабрь 2015

    Подробнее...

По теме
По этой теме нет публикаций

Самые читаемые

Предыдущие новости
Следующие новости
© 2012 г. Редакция газеты "Иднакар". Все права защищены.
Перепечатка материалов разрешается при обязательном указании ссылки на источник